suniye!!

apni khubsurat kalayi main

baray chao se

chorian gumatay hue us ne kaha
 
yeh chorian dekhiye

kaisi hain?

yeh aap ko pasand hain?

yeh aap ke naam ki hai

hum ne aap ki taraf se li hain

aap hamaray ho na?

ho na?.... aap hamaray

is se pehle ke wo

meri ankh main chamaktay aansoo dekhti

jaldi se main ne kaha
 
haan bohat khobsorat hain yeh chorian

tumhari kalayi main bohat saj rehi hain

mere naam ki daway dar

wo payari masoom larki

khushi se muskara di

aur bhool gayi

apnay sawal ka jawab