Tuesday, May 31, 2011

Barhawan Khilari (12th Player)

Barhwan khilari bhi
Kiya ajab khilari hai
Khel hota rehta hai
Shor machta rehta hai
Daad parti rehti hai
Aur woh alag sab se
Intezar karta hai
Aik aisi sa'at ka
Aik aise lamhey ka
Jis main saniha ho jaye

Phir woh khelne nikle
Taaliyon ke jhurmat main
Aik jumla-e-khush kun
Aik naara-e-tehseen
Us ke naam ho jaye

Sab khilariyon ke saath
Woh bhi moutabar ho jaye

Tum bhi Iftikhar..

Barhwain khilari ho
Intezar kartey ho
Aik aisy lamhey ka
Aik aisi saa'at ka
Jis main hadisa ho ajye
Jis main saniha ho jaye

Friday, May 20, 2011

AGLE KHAMBE TAK KA SAFAR

yaad hai,
tum aur mein
pahadi wale shaher ki
lambi,ghumavdaar,
sadak par
bina kuchh bole
hath me hath dale.
bematlab,beparwah
meelon chala karte the
khambo ko gina karte the
aur me jab
chalte chalte
thak jata tha
tum kehti thi
bas
us agle khambe
tak aur !

aaj
me akela hi
us sadak par nikal aaya huun
khambe mujhe ajeeb
nigaah se
dekh rahe hain
mujh se tumhara pata
poochh rahe hain
mein thak ke choor choor ho gaya hoon
lekin wapas nahi lautna hai
himaat karke
agle khambe tak pahuchna hai
sochta huun
tumhein tez chalne ki aadat thi
shayad
agle khambe tak pahuch kar
tum mera
INTEZAAR kar rahi ho

Monday, May 9, 2011

Tum Be Had Shor Machati Ho

Woh Aksar Mujh Se Kehta Tha
"Tum Be Had Shor Machati Ho"

Phir men us se kehti thi,
Jb pyar se mujhe bulao ge,
Tb dorr k men to aaongi,
"Tb payal meri chanke gi",
Payal ka shor to hoga hi

Jb meri qalaai pakro ge,
To choori meri khanke gi,
"Choori ka shor to hoga hi"

"Jb bindya meri chamke gi,
Aankhon me tumhari damke gi,
Tb jazbe shor mchain ge,
"jazbon ka shor to hoga hi"

"Mere jhumke se jab khelo ge,
Wo gaal ko mere choome ga,
Be chain se tum ho jao ge,
Ik lehar uthe gi seene mein,
"Is lehar ka shor to hoga hi"

"Meri zulfon ko suljhate hue,
Mere gajre ko bikhrao ge,
Tb sansein tumhari mehkein gi,
"Saanson ka shor to hoga hi"

"Jb pas mere tm ao ge,
Ik barq si tann me dorre gi,
Mann behka sa hojae ga,
Hr dharkan shor machae gi,

"Dharkan ka shor to hoga hi"..!

"Wo Aksr Mujh Se Kehta Tha
Tum Be Hadd Shor Machati Ho"