Kuch duur hamaray saath chalo
Hum dil ki kahani kehdein ghay
Samjhay na tum jisay aankhon say
Woh baat zubaani kehdein ghay
Jo pyar karein ghay jaanein ghay
Har baat tumhari maanein ghay
Jo jaley na hon khudh ulfat mein
Woh aag ko paani kehdein ghay
Jab pyaas jawan ho jaaye ghi
Ehsaas ki manzil paaye ghi
Khamosh rahein ghay aur tumhein
Hum apni kahani kehdein ghay
Is dil mein zara tum baitho toh
Kuch haal hamara poocho toh
Hum sada dil hain “Tanha” magar
Har baat poorani kehdein ghay
No comments:
Post a Comment