ye daag daag ujaalaa

ye daag daag ujaalaa, ye shab gaziidaa sahar

wo intazaar thaa jis kaa, ye wo sahar to nahi

ye wo sahar to nahi jis ki aarazu lekar

chale the yaar ki mil jaayegii kahi na kahi

falak ke dasht mein taron ki aakharii manzil

kahin to hogaa shabe sust mauj kaa saahil

kahin to jaa ke rukegaa safinaa-e gham-e-dil

jawaan lahuu kii pur asaraar shaaharaahon se

chale jo yaar to daaman pe kitane haath pare

dayaar-e-husn ki be-saber Khwaab-gaahon se

pukarati rahin baahen, badan bulaate rahe

bahut aziiz thi lekin rukh-e-sahar kii lagan

bahut qarin thaa hasinaa-e-nuur kaa daaman

subuk subuk thi tamannaa, dabi dabi thi thakan

sunaa hai ho bhi chukaa hai firaq-e-zulmat-e-nuur

sunaa hai ho bhii chukaa hai wisaal-e-manzil-o-gham

badal chukaa hai bahut ahl-e-dard ka dastuur

nishaat-e-wasl halaal-o-azaab-e-hijr-e-haraam

jigar ki aag, nazar ki umang, dil ki jalan

kisi pe chaaraa-e-hijraan kaa kuchh asar hi nahin

kahaan se aayi nigaar-e-sabaa, kidhar ko gayi

abhi chiraagh-e-sar-e-rah ko kuchh Khabar hi nahin

abhi garaani-e-shab mein kami nahin aayi

najaat-e-diida-o-dil ki ghadii nahin aayi

chale chalo ki wo manzil abhi nahin aayi

TUM SY BICHAR KR KYA HUN MAIN

TUM SY BICHAR KR KYA HUN MAIN ???

IK UDHOORI NAZM KA MISRA !!!

YA KOI BEEMAR PARINDA !!

COPY MAIN IK ZINDA TITLI !!

YA IK MURDA PEELA PATTA !!!!

AANKH HUN KOI KHWAB ZDA SI !!

YA AANKHON MAIN TOOTA SAPNA !

PALKON KI DEEEWAR PEECHY,

PAGAL QAIDI,, YA IK AANSUUU ....

DHOOP MAIN LIPTA LAMBA SEHRA,,,

TOOOTI HOI CHOORI KA TUKRA....

YA KOI BHOOOLA BISRA WADA !!!

TUM HI BTAO 

TUM SAY BICHAR KR KYA HUN MAIN ????

IK PURAANI QABAR KA KATBA !!!

YA KOI MATROOOK DUA ....!!!!!

Muhabbat Ney Barbad Kiya -- A True Stoty [Click on story to read clear]

meri zindagi ka hasil

meri zindagi ka hasil

kaii waswasey, kaii rat jagey

kaii lughzishein, kaii khwahishein

meri zaat misle mazar hey

mujhey jeeney ki abb Du’aa na dou

Ager ho sakey tou Khuda sey tum

Meri maghfirat ki du’aa kero

Ye jo samney hey terey ro baroo

mera aks hey, meri rooh hey

aik naam hey koi benishaaan

faqat raakh ka koi dher hey

mujhey aag sey na darao tum

ager ho sakey tou, meri lou bano

mein tou bujha howa diya hoon abb

Mujhey aur tum hawa na dou

meri raah dekho na abb kabhi

meri chaah dil sey nikal dou

kub jana tha kissi morr perr

yuun zindagi rooth jaye gii

kub chaha tha meri aas ko

aisey nazar kisi kii lug jaye gii

mein tou khaak hoon kafe paa kii

apney daman sey abb mujhey jhaarr dou

Tumhain jana zaroori hay ....

Tumhain jana zaroori hay


Chalo phir is tarhan ker lo,


tum apnay rastay ho lo,


nayi manzil koi dhondoo,


nayi dunya basaao tum,


mujhay kuch dair rukna hay,


yahan kuch kaam kerne hain,


yahan yaadain hain kuch meri,


wo kuch beetay hue lamhe, 


wo anchal se giray thay jo bikher ker door tak,


mujhko pareshaan ker rahay hain jo,


unhain yakjaa kerna hay,


kahien par dafan kerna hay,


mohabbat ke qabar per ik naya qatbaa lagana hay,


phir is ke baad mujhko laut jana hay,


ab itnay kaam hain jana, tumhain jaldi hay tum jao,


mujhay kuch waqt lagna hay,


ye mah-o-saal houn shayad,


ya shayad hon kayi sadyian,


toh phir kab tak yahan baithee raho gi,


tumhain jo jana hay tu phir is main murrawat ki zaroorat kya,


mohabbat ab nahi tumko,


tou phir takkaluf ki zaroorat kya,


naya sathi jo dhoondha hay,


tu phir mairee zaroorat kya...!! 

Main nay theek kiya naa??????

Kehtay hain jab ghar mai achanak

aisi aag bharak utthay....

jo chashmai zadn mai,

har ik shaiy ko maut apni lapait mai lai laiy!

Aag bhujana mushkil ho aur....

ghar ka asasaa us se bachanaa namumkin ho toa,

Aik hi rastaa reh jata hai....

ghar ki sab se qeemti cheezain haath mai loa aur,

us se duuur nikal jaao!

meray dil mai bhi aisi hi aag lagi thi....

Main ne jaldi jaldi

ankh mai teray bujhtay khuwab samaitay

teri yaad kay tukray...

chun kar dehaan mai rakhay

Aur..............

is aag mai dil ko jaltaa chor ka,

duurr nikal ayaa!

Main ne theek kiya naa??????